ҚЎЛЛАШ БЎЙИЧА ЙЎРИҚНОМА

СЕЛЕПИД^™

CELEPID^™

Препаратнинг савдо номи: Селепид^™

Таъсир этувчи моддалар: соя мойи, тухум лецитини, глицерол

Дори шакли: вена ичига юбориш учун ёғли эмульсия

Таркиби:

Ҳар 100 мл эмульсия қуйидагиларни сақлайди:

фаол моддалар:

соя мойи                                            10,0 г;

тухум лецитини                               1,2 г;

глицерол                                           2,25 г;

энергетик қиймати (ккал)               1100;

осмолярлиги                                     300 мОсм/л;

ёрдамчи моддалар: натрий олеати, натрий гидроксиди, инъекция учун сув.

Таърифи: ёт заррачалар ва йирик ёғ томчилари бўлмаган оқ рангли сутга ўхшаш эмульсия.

Фармакотерапевтик гуруҳи: парентерал озиқлантириш учун қўлланадиган препарат.

АТХ коди: В05ВА02

Фармакологик ҳусусиятлари

Селепид^™ – парентерал озиқлантириш учун қўлланадиган восита бўлиб, энергия ва эссенциал ёғ кислоталарининг манбаи ҳисобланади. Таркибида алмаштириб бўлмайдиган ёғ кислоталари танқислигини бартараф қиладиган ёғ компонентларини сақлайди, танқисликни клиник симптомлари бўлганида, уни тўғриланишига олиб келади. Тухум сариғидаги лецитиннинг таркибига кирувчи фосфатидлар ҳужайра мембраналарининг таркибига киради ва уларни фаолиятини таъминлайди.

Глицерол организмда гликоген ва липидлар синтезида иштирок этадиган энергетик субстрат ҳисобланади.

Фармакокинетикаси

Препаратнинг таркибига кирувчи ёғ заррачалари одам қонидаги хиломикронларнинг ўлчамига тўғри келадиган ўлчамдаги пуфакчаларни ҳосил қилади, шунинг учун Селепид^™нинг фармакокинетик таъсири липидларнинг физиологик алмашинуви билан бир хил. Препарат юборилганидан сўнг плазмада триглицеридларнинг даражаси қисқа муддатга ошиши керак. Триглицеридлар липопротеин-липаза таъсирида эркин ёғ кислоталари ва глицеринга гидролизланади. Эркин ёғ кислоталари ё тўқималарга тақсимланади (у ерда улар оксидланади ёки триглицеридлар қайта синтезланади ва тўпланади), ёки альбуминлар билан боғланиб, плазмада айланиб юради.

Жигарда эркин ёғ кислоталари оксидланади ёки қонга қайта тушиши мумкин бўлган жуда паст зичликдаги липопротеинларни ҳосил қилади.

Тун давомида оч қолган одамда ёғли эмульсияни чиқарилиш даражаси суткада тана вазнига тахминан 4 г/кг ни ташкил этади. Организмдан чиқарилиш ҳусусияти организмнинг ҳолати ва касалликни оғирлик даражасига боғлиқ.

Қўлланилиши

Селепид^™ ёғли эмульсия парентерал нутрицион ёрдамга муҳтож бўлган пациентлар учун энергия ва алмаштириб бўлмайдиган ёғ кислоталарини манбаи сифатида кўрсатилган. Препарат қуйидаги ҳолатларда буюрилади:

• Беморни жарроҳлик йўли билан даволашга операциядан олдинги тайёргарликда энергетик нутриент сифатида;
• Операциядан кейинги даврда – организмнинг оқсил-энергетик ҳолатини тиклаш учун мажмуавий даволаш таркибида;
• Турли этиологияли кахексияда;
• Кучли плазморея ва йирингли жараёнлар билан кечувчи барча даражадаги куйишларда;
• Ингичка ичакнинг шиллиқ қаватидаги ферментлар секрециясини сусайиши ва нутриентларни сўрилишини бузилиши (ичакнинг ўткир ва сурункали касалликлари – перитонит, ярали колит, ичак тутилиши, меъда-ичак йўлларида ўсмаларни бўлиши, ичак атонияси ва фалажи, мальабсорбция синдроми, озиқланишдаги бузилишлар ва б.) билан боғлиқ бўлган азот мувозанатини бузилишларида;
• Пациентни узоқ вақт турли генезли хушсиз ҳолатда бўлиши, энтерал озиқлантириш имкони ёки мумкин бўлмаган ҳолатларда;
• Буйрак фаолиятини бузилишларида, энергия мувозанатини тўғрилаш протеинлар катаболизми даражасини пасайтириш учун керак бўлган ҳолатларда қўлланади.

Қўллаш усули ва дозалари

Катталарга: суткада беморнинг тана вазнига 2,5 г/кг ҳисобида буюрилади.

Болаларга: суткада беморнинг тана вазнига 0,5-4,0 г/кг ҳисобида буюрилади.

Селепид^™ вена ичига юбориш учун 10% ли ёғли эмульсия суткада беморнинг тана вазнига 2,5 г/кг дан юқори бўлмаган дозада юборилганида организмнинг суткали энергия талабининг 60% гача қисмини таъминлайди. Қолган 40% организмга углеводлар ва аминокислоталар ҳисобига тўлдирилиши керак.

Селепид^™ 10% ли ёғли эмульсияни юбориш тезлиги биринчи 15 минут давомида            0,5-1,0 мл/(кг*соат) дан ошмаслиги керак. Ножўя реакциялар кузатилмаса, инфузия тезлигини 2 мл/(кг*соат) гача ошириш мумкин.

Даволашнинг биринчи кунида Селепид^™ 10% ли ёғли эмульсиянинг дозаси – 500 мл дан ошмаслиги керак. Нохуш реакциялар кузатилмаса, кейинги кунларда дозани ошириш мумкин.

Ёғли эмульсияни юбориш қоидаси

Селепид^™ вена ичига юбориш учун ёғли эмульсия умумий овқатланишнинг мажмуавий дастурини компоненти сифатида буюрилиши керак. Препарат катетер ёки инфузия жойидан узоқда бўлмаган Y-коннектор ёрдамида периферик ва марказий веналар орқали юборилади. Инфузиядан олдин ёғли эмульсияни хона хароратида илитиш ва чайқатиш керак. Препаратнинг ишлатилмаган миқдорини йўқотиш керак ва кейинчалик юбориш учун сақлаб қўйиш мумкин эмас. Флаконнинг бутунлиги шикастланганида ёки эритмада ёд заррчалар аниқланганида препаратни қўллаш мумкин эмас.

Ножўя таъсирлари

Ўткир реакциялар: ҳансираш, цианоз, аллергик реакциялар, гиперлипидемия, гиперкоагуляция, кўнгил айниши, қусиш, бош оғриғи, юзни қизариши, гипертермия, кучли терлаш, эт увишиши, уйқучанлик, кўкракда ва белда оғриқ.

Кечки реакциялар: гепатомегалия, холестатик сариқлик, жигарнинг функционал синамалари кўрсаткичларини транзитор ошиши, тромбоцитопения, лейкопения, спленомегалия, гипергидратация синдроми.

Ретикулоэндотелиал тизимида жигарранг рангли пигмент (вена ичидаги ёғли пигмент) тўпланиши мумкин. Ушбу феноменнинг сабаби ва қиймати етарли даражада ўрганилмаган.

Қўллаш мумкин бўлмаган ҳолатлар

Шок (бошланғич босқичи), липидлар алмашинувини яққол бузилишлари (жигарни оғир даражадаги шикастланиши, декомпенсацияланган қандли диабет, жигар етишмовчилигини оғир шакли), гиперлипидемия билан кечувчи ўткир панкреатит ва панкреонекроз, патологик гиперлипидемия, липоид нефроз, гипоксия билан кечувчи тромбоэмболия, кетоацидоз, ўпка гипертензия, препаратнинг компонентиларига юқори сезувчанликда қўллаш мумкин эмас.

Дориларнинг ўзаро таъсири

Селепид^™ ёғли эмульсияни бир флаконда электролитлар ва дори воситалари билан аралаштириш мумкин эмас. 1 мл эмульсияга 1-2 бирлик гепарин нисбатида эмульсияга қўшилганида препаратнинг барқарорлиги йўқолмаган.

Махсус кўрсатмалар

Метаболик ацидоз, ўпка касалликлари, сепсис, ретикуло-эндотелиал тизимининг касалликлари, анемия, қон ивишини бузилиши бўлган беморларга, ёғли эмболияни ривожланиш ҳавфи ошганида препарат эҳтиёткорлик билан буюрилади.

Ёғли эмульсияларни ҳаддан ташқари тез юбориш суюқлик ва ёғнинг миқдорини ортиқ кетиши оқибатида кейинчалик электролитларнинг концентрациясини пасайиши, гипергидратацияга олиб келиши ва ўпка шишини ривожланишини қўзғалишига ва ўпканинг дуффуз ҳусусиятини бузилишига олиб келиши мумкин. Ҳаддан ташқари тез инфузия қилиш гиперкетонемия, метаболик ацидозни чақириши мумкин. Эркин ёғ кислоталари альбумин билан боғланган билирубинни ўрнини алмаштирганлиги сабабли, ёғли эмульсияни сариқлик бўлган болаларга ёки эрта ёшдаги болаларга жуда эҳтиёткорлик билан қўллаш керак.

Ҳомиладорлик ва лактация даврида препаратни қўллаш мумкин эмас, чунки ушбу беморлар тоифасига препаратни қўллаш ҳавфсизлиги юзасидан маълумотлар йўқ.

Препарат билан узоқ муддат даволанганда периферик қон манзараси (шу жумладан, тромбоцитлар сони), қон ивиши тизими кўрсаткичлари, жигар фаолияти, қон зардобидаги липидларнинг кўрсаткчиларини назорат қилиш керак. Қонда билирубиннинг концентрацияси, ЛДГ нинг фаоллигини аниқлаш, гемоглобинни кислород билан тўйиниши каби лаборатор текширишларни препаратни инфузияси тугаганидан сўнг 5-6 соатдан кейин ўтказган афзал.

Препарат болалар ололмайдиган жойда сақлансин ва яроқлилик муддати ўтгач ишлатилмасин.

Дозани ошириб юборилиши

Дозани ошириб юборилиш симптомлари одатда гиперволемияни кўринишлари: ҳансираш, цианоз, ўпка шиши ҳисобланади. Шунингдек гиперлипидемия, гиперкоагуляция бўлиши мумкин.

Дозани ошириб юборилиш симптомлари намоён бўлганида ёғли эмульсияни инфузия қилишни тўхтатиш ва симптоматик даволашни бошлаш керак.

Чиқарилиш шакли

Ёғли эмусльсия 100 мл, 200 мл ёки 500 мл дан флаконда. 1 флакон қўллаш бўйича йўриқномаси билан бирга картон қутига жойланган.

Сақлаш шароити

25ºС дан юқори бўлмаган ҳароратда сақлансин. Музлатилмасин!

Яроқлилик муддати

2 йил.

Дорихоналардан бериш тартиби

Рецепт бўйича.