БИСАКОДИЛ – НИЖФАРМ
дори препаратини тиббиётда қўллаш бўйича
ЙЎРИҚНОМА
Препаратнинг савдо номи: Бисакодил-Нижфарм
Халқаро патентланмаган номи: Бисакодил
Дори шакли: ректал суппозиторийлар
Таркиби:
Бир суппозиторий сақлайди: таъсир этувчи модда: бисакодил – 10 мг,
суппозиторийлар учун асос: қаттиқ ёғ (Н 15, W 35 маркали Витепсол, NA 15, NAS 50 маркали Суппосир) вазни 1,25 г гача бўлган суппозиторий олингунча.
Таърифи: Оқдан то бироз сарғиш тусли оқ ранглигача бўлган, торпедасимон шаклли суппозиторийлар.
Фармакотерапевтик гуруҳи: сурги воситаси
АТХ коди: А06АВ02
Фармакологик хусусиятлари
Ичакнинг рецептор аппаратини таъсирланишини чақиради, ичакнинг шиллиқ қаватига бевосита таъсир кўрсатади, ичак перистальтикасини кучайтиради, йўғон ичакда шилимшиқ секрециясини оширади.
Ичакда сўрилмайди. Меъда-ичак йўлларининг шиллиқ қаватига таъсирловчи самара кўрсатувчи олддори ҳисобланади, ишқорий муҳитда метаболитни ҳосил бўлиши билан гидролизланади. Таъсири биринчи соат давомида содир бўлади.
Қўлланилиши
Гипотоник ва атоник қабзият (шу жумладан кексалардаги; операциялар ва туғруқлардан кейинги қабзият). Ич келишини бошқариш (геморрой, проктит, анус ёриқлари). Хирургик операцияларга, асбоблар ёрдамидаги ва рентгенологик текширувларга тайёрлашда қўлланади.
Қўллаш мумкин бўлмаган ҳолатлар
Ўта юқори сезувчанлик, ичакни тутилиши, чуррани қисилиб қолиши, қорин бўшлиғи аъзоларининг ўткир касалликлари, перитонит, меъда-ичак йўлларидан қон кетиши, метроррагия, цистит, спастик қабзиятлар, ўткир геморрой, ўткир проктит, 8 ёшгача бўлган болаларда қўллаш мумкин эмас.
Эҳтиёткорлик билан
Жигар ва/ёки буйраклар етишмовчилигида.
Ҳомиладорлик ва лактацияда қўлланиши
Ҳомиладорлик ва лактация даврида эҳтиёткорлик билан қўллаш мумкин.
Қўллаш усули ва дозалари
Ректал, қуйидаги дозаларда буюрилади: катталарга ва 14 ёшдан ошган болаларга 10-20 мг бисакодил (1-2 шамча), 8-14 ёшли болаларга – 10 мг бисакодил (1 шамча) буюрилади.
Ножўя таъсирлари
Ичак санчиғи, диарея (дегидратация, мушак кучсизлиги, тиришишлар, артериал қон босимини пасайиши), қоринда оғриқ, метеоризм, аллергик реакциялар бўлиши мумкин.
Дозани ошириб юборилиши
Симптомлари: диарея, сувсизланиш, сув-электролит мувозанатини бузилиши, гипокалиемия, йўғон ичак атонияси.
Даволаш: симптоматик.
Махсус кўрсатмалар
Узоқ вақт давомида қўллаш мумкин эмас.
Чиқарилиш шакли
Ректал суппозиторийлар 10 мг, 5 суппозиторийдан поливинилхлорид плёнка контур уяли ўрамда. Икки контур ўрам препаратни тиббиётда қўллаш бўйича йўриқномаси билан бирга картон қутига жойланади.
Сақлаш шароити
25оС дан юқори бўлмаган ҳароратда сақлансин.
Болалар ололмайдиган жойда сақлансин.
Яроқлилик муддати
2 йил. Препаратни яроқлилик муддати ўтгач қўлланилмасин.
Дорихоналардан бериш тартиби
Рецептсиз.