НАТАЛЬСИД®
препаратини тиббиётдПрепаратнинг савдо номи: Натальсид®
Гуруҳлаш номи: Натрий алгинати
Дори шакли: Ректал суппозиторийлар
Таркиби
Бир суппозиторий қуйидагиларни сақлайди:
натрий альгинати (натрий альгинат) – 250 мг; суппозиторийлар учун асос: қаттиқ ёғ (витепсол, суппосир) – 2,25 г вазнли суппозиторий олиш учун етарли миқдорда.
Таърифи
Оч-қўнғир тусли оч-сариқ рангли, торпедасимон суппозиторийлар.
Фармакотерапевтик гуруҳи
Маҳаллий қўллаш учун гемостатик восита.
АТХ коди: В02ВС
Фармакологик хусусиятлари
Препаратнинг фаол моддаси – натрий альгинати – қўнғир денгиз ўтларидан олинадиган табиий полисахарид. Яққол гемостатик, яллиғланишга қарши ва репаратив таъсир кўрсатади.
Қўлланилиши
Эпителизация босқичидаги сурункали анал ёриқлар, сурункали қонаб турувчи геморрой, проктосигмоидит ва операциядан кейинги даврдаги тўғри ичакдаги яллиғланиш кўринишларида қўлланади.
Қўллаш мумкин бўлмаган ҳолатлар
Препаратнинг компонентларига ўта юқори сезувчанлик. Болаларда (14 ёшгача) қўллаш мумкин эмас.
Ҳомиладорлик ва лактацияда қўлланиши
Натальсид® препаратини ҳомиладорлик ва лактация даврида қўллаш мумкин.
Қўллаш усули ва дозалари
Ректал. Ичак ўз-ўзидан ёки тозаловчи хўқнадан бўшалганидан кейин, тўғри ичакка киритилади. Катталар ва 14 ёшдан ошган болаларга 1 суппозиторийдан суткада 2 марта қўлланади. Натальсид® препарати билан даволаш курсининг давомийлиги 7-14 кунни ташкил қилади.
Ножўя таъсири
Аллергик реакциялар бўлиши мумкин.
Чиқарилиш шакли
Натальсид® ректал суппозиторийлари 250 мг. 5 суппозиторийдан контур уяли ўрамда, 2 контур уяли ўрам препаратни тиббиётда қўллаш бўйича йўриқномаси билан бирга картон қутига жойланади.
Яроқлилик муддати
3 йил. Яроқлилик муддати ўтганидан кейин препарат ишлатилмасин.
Сақлаш шароити
Болалар ололмайдиган жойда, 25оС дан юқори бўлмаган ҳароратда.
Дорихоналардан бериш тартиби
Рецептсиз.