ТУРУНЖ (араб. — лимон) — нақш тури; ҳошия ва асосий майдондан тузиладиган нақш мужассамоти марказига ишланади. Шакли лимонга ўхшаганлиги учун шундай аталган. Наққошлик тараққиёти давомида Турунж шакл жиҳатидан бойиб ва мукаммаллашиб борган: тухумсимон, дойра, ромб, 5 — 10 ва ундан ортик, қиррали юлдуз шакллари кўп учрайди. Марказига Турунж, четига рута ва б. ҳошия нақшлар ишланадиган тўртбурчакли мужассамот кенг тарқалган. Турунж ахтасн қоғозни 4, 8, 16 га буклаб, бир бўлагига нақш чизиб тайёрланади; сўнг нақш безатиладиган сиртга туширилади.
Амалий безак санъатининг барча соҳалари (наққошлик, гиламчилик, айниқса, зардўзлик ва б.)да кенг қўлланади.