ТРИО (лот. tria — уч) — 1) уч созанда ёки хонандадан ташкил топган ансамбль (мас., скрипка, виолончель ва фортепианодан иборат ансамбль ёки «Сетора» гуруҳи);
2) шу ансамблга мўлжалланган мусиқа асари, камер мусиқа жанри. Дастлаб триосоната шаклида (17—18-а. лар, А. Вивальди, А. Корелли ва б.), кейинчалик соната туркуми тарзида (Л. Бетховен, Ф. Шуберт, И. Брамс, П. Чайковский, Д. Шостакович ва б.) ривож топди. Ўзбекистонда М. Бурҳонов, Ик. Акбаров, Г. Мушель, И. Ҳамроев, У. Мусаев, В. Сапаров, А. Эргашев ва б. турли Триолар ёзишган;
3) баъзи чолғу асарлари (марш, скерцо ва б.)нинг ўрта қисми.