ТРИНИТРОТОЛУОЛ, тротил, тол, С7Н5 O6N3 — портловчи модда; рангсиз, лекин сакланганда сарғаядиган кристалл. Мол. м. 227,13. Ацетон ва бензолда яхши, сувда оз эрийди; суюқланиш траси 80,85°, зичлиги 1641 кг/м3 (25° да).
Кимёвий барқарор, узоқ вақт мобайнида парчаланмайди ва портлаш хусусиятини йўқотмайди. Портлаганда кўп миқдорда заҳарли углерод (II)оксид (СО) ҳосил бўлади. Тринитротолуол толуолни нитрат ва сульфат кислота аралашмаси билан нитролаб ҳосил қилинади. Тринитротолуол ўқдориларда ва портлатиш ишларида қўлланади.