ТРЕПАНАЦИЯ (юн. trypanon — парма, трепан) — суяк бўшлиғини тешиб очиш операцияси. Дастлаб миядаги ўсма ёки гематомаларни олиб ташлаш мақсадида калла суяклари Трепанация қилинган. Ҳоз. тиббиёт амалиётида калла суяклари Трепанацияси билан бирга остеомиелита найсимон суяклар, мастоидитца чакка суягининг сўрғичсимон ўсимтаси Трепанация қилинади. Тиш бўшлиғини очиш, кўз оқи операцияси, шунингдек, кўмикдан текшириш учун олиш (трепанобиопсия) ҳам Трепанация деб юритилади.