ТЎПЧИ ҚЎНҒИЗЛАР (Brachininae) тошқоллар оиласига мансуб қўнғизлар кенжа оиласи. Танасининг уз. 5—20 мм, ранги ялтироқ ёки чипор. 500 дан кўпроқ тури бор. Ўзбекистонда 10 га яқин тури учрайди. Қуртлари бошқа ҳашаротлар танасида паразит. Тўпчи қўнғизлар хавф туғилганда анал тешигидан суюқ модда отиб чиқаради. Суюклик ҳаво бн аралашганда қирсиллаган овоз чиқаради (номи шундан). Овоз ва сассиқ тутун Тўпчи қўнғизларни душмандан ҳимоя қилади.