ТАЙБЭЙ — Хитойдаги шаҳар. Тайвань о. нинг шим. қисмида. Тайвань провинциясининг маъмурий маркази. Аҳолиси 2,64 млн. киши (1999). Транспорт йўллари тугуни. Халқаро аҳамиятга эга 2 та аэропорти бор. Т. Цзилун аванпорти билан биргаликда ягона саноат комплексини ташкил этади. Тайбэй — оролнинг энг катта шаҳри ва йирик саноат маркази. Машинасозлик (кемасозлик, радиоэлектроника), металлургия, кимё, цемент, ёғочсозлик, қоғоз, енгил ва озиқовқат саноатлари корхоналари мавжуд. ХваКанг, миллий сарой музейлари, Чан Кайши мемориали бор.