ТАЛОҚ (араб. — қўйиб юбормоқ, ажралмоқ) — шариатга кўра никоҳнинг бекор қилиниши. Эр томонидан шу сўзнинг айтилиши хотинни барча хотинлик мажбуриятидан тўла озод қилади. Бу ҳолатда эрнинг хотинга берган молмулк (маҳр)и хотинда қолади, эр хотинни идда муддати ўтгунча моддий таъминлаб туриши керак. Шариатда иккинчи Талоқдан кейин ҳам эрхотинни қайтадан яраштиришга рухсат этилади (Қуръон, 2:229). Учинчи марта Талоқдан кейин эса шариат бунга йўл қўймайди. Талоқ қилинган хотин бошқа эрга чиқиши учун белгиланган идда муддатини ўташи керак. Ислом ҳуқуқида аёл ҳам Талоқ талаб қилиши расман эътироф этилади. Ўзбекистон Республикасида эр билан хотин ажралиши Оила кодексида белгиланган тартибда амалга оширилади (яна қ. Никоҳни бекор қилиш).
Ад.: Ҳидоя (1ж.), Т., 2000; Мухтасар, Талоқ, 1994.