ТАКРОРИЙ ЭКИНЛАР — 1) даладаги асосий экин ҳосили ўрибйиғиб олинганидан кейин ўрнига иккинчи марта экиладиган экинлар; экилган йилининг ўзидаёқ ҳосил беради. Ердан унумлироқ фойдаланишга ва майдон бирлигидан кўпроқ микдорда қишлоқ хўжалиги. маҳсулоти олишга имкон беради. Кузи илиқ, узоқ давом этадиган сернам рнларда ва сугорма деҳқончилик минтақаларида қўлланилади. Ўрта Осиёда анғиз экинлар экилади (мас., кузги арпа ўриб олинганидан кейин ўрнига бошқа дон экини — маккажўхори, жўхори, нўхат, мош экилади) ва 2ҳосил олинади (дон ёки кўк масса). Бу жойларда ўриб олинадиган экинлар ҳам экилади. Асосий экин физиологик етилмасдан (мас., кўк озуқа учун кузги жавдар) ўриб олинганидан кейин ўрнига озуқа учун маккажўхори экиш ҳам мумкин;
2) бир экиннинг ўзини бир майдонга босим икки ёки бир неча йил мобайнида қайта экиш. Ғўза, июли, буғдой ва б. экинлар етиштирйшга ихтисослаштирилган зоналарда кенг қўлланилади. Ўғитлар етарли ва сугориладиган шароитларда такрор экилганда ҳосилдорлик пасаймайди. Бу усул алмашлаб экишга кирмайдиган участкаларда ҳам қўлланилади. Мас., бир далада сурункасига 2—3 йил каноп етиштириш шулар жумласига киради.