ТАКА — эчкининг эркаги, ургочи эчкиларни қочириш учун танлаб олинадиган зотли эркак эчки. Эчки ва кўй пода (сурув)ларини етаклаб юриб, чўпонлар меҳнатини енгиллаштирувчи жонивор. Улоклик пайтида бичиб қўйилган (эркаклик жинси томири узиб қўйилган ёки олиб ташланган) бўлса кўпинча «серка» дейилади. Эчкилар суруви сифатини яхшилашда ва эчкилар маҳсулдорлигини оширишда (айниқса, наслчилик хўжаликларида) Такалар зотига алоҳида эътибор берилади; Т. ларда жинсий уйғониш эрта (6 ойда) бошланади. Лекин наел олишга 1,5—2 ёшида жалб этилади. Эркин крчиришда бир Такадан мавсумда ўртача 25—35, сунъий қочиришда 250—300 ургочи эчкини уруғлантириш учун 5—6 й. давомида фойдаланилади. Такаларни боқиш, асраш, парвариш қилиш зооветеринария тартибқоидалари асосида ташкил этилади.