«ТАДБИРКОРБАНК» — Ўзбекистондаги йирик акциядорлик тижорат банки. 1993 й. 7 янв. да «Ўздеҳқонсаноатбанк» негизида ташкил этилган. Бошқаруви Тошкент ш. да. Банкнинг йирик таъсисчилари: «Бизнесфонд», «Мадад» суғурта агентлиги ва б. Жисмоний ва юридик шахслардан иборат акциядорлари 24 мингдан ортиқ. «Тадбиркорбанк» кенг тармокли универсал банклардан бири бўлиб, Қорақалпоғистон Республикаси ва барча вилоятларда 13 та филиали, республика (Тошкент ш.) ва вилоятлар марказларида амалиёт бўлимлари, 69 туман бўлими, туман бўлимлари қошида 42 минибанк ишлайди (2003).
Банк фаолиятининг асосий йўналиши — қишлоқда тадбиркорлик ва мулкчиликнинг янги шаклларини ривожлантиришни молиявий қўллабқувватлашдан иборат. «Тадбиркорбанк» республика қишлоқ хўжалиги. корхоналарига — деҳқон ва фермер хўжаликларига, шахсий ёрдамчи хўжалик эгаларига, кооперативларга, қишлоқ хўжалиги. маҳсулотларини қайта ишловчи хусусий корхоналар ва фирмаларга турли банк хизматлари кўрсатади. Бундан ташқари, банк кредитлар жалб этиш ва бериш, мижозлар ва мухбир банкларнинг ҳисобваракларини юритиш, пул жам/армаларини қабул қилиш ва жойлаштириш, тўлов ҳужжатлари ва б. қимматли қоғозларни сотиб олиш, сотиш ва саклаш, факторинг ва лизинг хизматлари кўрсатишни амалга оширади. Банк мамлакатимизда кичик ва ўрта бизнес, хусусий тадбиркорлик етакчи роль ўйнайдиган кўп укладли иқтисодиётни жадал ривожлантиришга ҳисса қўшиб келмокда. «Тадбиркорбанк» томонидан кичик ва ўрта бизнес субъектларига қишлоқ хўжалиги. техникаси ва минитехнологиялар, эҳтиёт қисмлар олиш учун лизинг хизматлари кўрсатишни кенгайтириш, кичик ва ўрта бизнес субъекларини кредитлашда экспортбоп ёки импорт ўрнини босувчи маҳсулот ишлаб чиқариш. га, маҳаллий хомашёни қайта ишлаш хисобига халқ истеъмоли моллари ишлаб чиқариш. билан боғлиқ бўлган лойиҳаларга асосий эътиборни қаратмоқда. 2003 й. да 41 мингдан ортиқ мижозларга хизмат кўрсатди. Банкнинг устав капитали 2,2 млрд. сўм, ўз капитали 3,85 млн. сўм, берилган кредитлар 12,1 млрд. сўм, йиллик фонда 642,7 млн. сум, жами активлари 33,4 млрд. сўм, захира капитали 507,3 млн. сум (2003).
Келдиёр Турсунов.