ЎТА ЧУҚУР БУРҒИЛАШ — катта чуқурликдаги фойдали қазилма конларини излаш, ер қаъридаги тоғ жинсларининг геологикфизик параметрларини, минерал хом ашёнинг ҳосил бўлиш ва жойланиш қонуниятларини ўрганиш мақсадида Ер қаърининг ўта чуқур қисмида олиб бориладиган бурғилаш жараёни. Дунё бўйича энг чуқур қудуқ Кола я. о. да 12066 м чуқурликда қазилган (1984). АҚШда қазилган ўта чуқур қудуқ 9583 м бўлган (1974). 20-асрнинг 60-й. ларидан бошлаб чуқ. 6000 м дан ортиқ қудуқлар, ўта чуқур қудуқлар сирасига киритила бошлади. Д. И. Шчербаков Ў. ч. б. асосчиларидан бири ҳисобланади. Ўзбекистонда энг чуқур қудуқ (Мингбулоқ конида) 6330 м, Қозоғистонда (Оролсор қудуғи) 8000 м қазилган (қ. Бурғилаш),