ЎРТА ДЕНГИЗ ГЕОСИНКЛИНАЛЬ МИНТАҚАСИ — Ернинг асосий ҳаракатчан зоналаридан бири бўлиб, кечки токембрий ва фанерозой мобайнида ривожланган. Минтақа умумий кенг йўналиш бўйлаб чўзилиб, Атлантика океанидан Тинч океангача: Марказий ва Жанубий Европани, Шим. ва Ғарбий Африка (Мағриб), Ўрта денгиз, Кавказ, Осиё ғарби, Помир, Тибет, Ҳимолай, Ҳиндихитой я. о. ва Индонезияни қамраб олиб, шу ерда Тинч океан геосинклиналь минтақаси билан туташган. Ўрта ва Марказий Осиёда Ўрта денгиз геосинклиналь минтақаси УралОхота минтақаси билан, Британия о. лари районида Шим. Атлантика минтақаси билан деярли ёндашган. Этап ўртача масштабдаги бурмаланиш, метаморфизм ва гранит ҳосил бўлиши билан якунланган. Палеозой ва мезозой якунларида Ўрта денгиз геосинклиналь минтақаси ўрнида жуда катта Тетис океани пайдо бўлган.