ЎРИК ФИЛЧАСИ — ўрик дарахти зараркунандаси. Олча, гилос ва бодомни ҳам зарарлайди. Ўзбекистон ва Тожикистонда тарқалган. Асосан, каттп ёшдаги дарахтларнинг мевасини, пўстлоғи, куртакларини зарарлайди. Қўнғизи тўқ яшил, хартумсиз, 9,5 — 11,4 мм, хартуми 2,05—2,8 мм. Олдинги оёғи ўрта ва кейинги оёқларидан узун. Тухуми оқ, думалоқчўзинчоқ. Ғумбаги оқ, малла тусда, 7—7,5 мм. Личинкалари тупроқда 4—12 см чуқурликда қишлайди. Март— майда тупроқцан чиқади. Урғочиси 84—112 тагача тухум қўяди. 8—12 кунда тухумдан личинка чиқади, ривожланиш даври 23—30 кун. Дарахтнинг зарарланган жойидан елим ажрала бошлайди. Ўрик пишиш даврида личинкалар мевадан чиқиб ерга тушади ва тупроқ остида ғумбакка айланади. Йилига бир марта авлод беради.
Кураш чоралари: дарахтлар ости авг. ва сентябр бошларида чопиб юмшатилади, қишда суғорилади, дарахтларга гуллашдан олдин ва гуллашдан кейин инсектицидлар билан ишлов берилади.