ЎҒРУҚ, уғруқ (чодир ёки ўтовнинг юқорисидаги увуқлари, ёғочлари) — мўғул ҳамда туркий халқлар қўшинида асосий жанговар қисмлардан бир неча кунлик масофада ортда борадиган оғир карвон (обоз). Амир Темур одатга кўра. Ў. ни атоқли саркардаларга топширган. Ўғруқни ҳукмдор ҳарами, вояга етмаган мирзолар ташкил этган. Ўғруқда лашкар учун турли касб эгалари, чунончи новвойлар, ошпазлар, қассоблар, тақачилар, камончилар, ўқчилар, эгарчилар, озиқовқат, мева билан савдо қилувчилар, ҳаммомчилар ва ҳ. к. хизмат қилган. Асосий ҳарбий қисмлар учун мўлжалланган қуроляроғ, асбобанжом, емхашак захираси ҳам Ўғруқда мужассам этилган.