БУХОРО ОЗИҚ-ОВҚАТ ВА ЕНГИЛ САНОАТ ТЕХНОЛОГИЯСИ ИНСТИТУТИ — инженертехнологлар тайёрлайдиган олий ўқув юрти. 1977 й. да Бухоро ш. да Тошкент политехника ин-тининг Бухоро филиали (1972) негизида ташкил этилган. Инт таркибида 6 кундузги ва сиртқи ф-т, 31 кафедра, минтақавий бизнес мактаби, ихтисослашган лицейинтернат фаолият кўрсатади. Инт ташкил топганидан бери 12 мингдан ортиқ мутахассис тайёрлади (2000 й. да 15 ихтисослик бўйича 477 мутахассис интни тамомлади). Интда 282 проф. ўқитувчи, жумладан 20 фан д-ри, проф., 178 фан номзоди, доцентлар ишлайди (2001). Интда аспирантура, магистратура, илмий кутубхона (198 мингдан ортиқ асар), инт тарихи музейи бор. Инт фаолияти М. Н. Раҳматов, Н. А. Парпиев ва б. олимларнинг номлари билан боғлик.