БОЙКО (аслида Могильниченко) Андрей Иванович (1905, Воронеж губерняси Воронцовка қишлоғи — 1992, Тошкент) — опера хонандаси (лирик тенор). Ўзбекистон халқартисти (1950). Тошкент мусиқа ва театр техникумини тугатган (1932). Тошкент рус опера ва балет театри (1935—48), Навоий номидаги опера ва балет театри (1948 — 66) яккахони, Ҳамза номидаги Тошкент мусиқа билим юртида вокал ўқитувчиси (1970—88). Европа ва Россия композиторлари асарларида 50 га яқин партияни ижро этган. Жумладан Герцог, Альфред, Радамес («Риголетто», «Травиата», «Аида»), Хозе («Кармен»), Канио (Р. Леонкавалло, «Паяцлар»), Ленский («Евгений Онегин»), Берендей (А. РимскийКорсаков, «Кор қиз»). Князь (А. Даргомижский, «Сув парией»), Девона («Борис Годунов»), Фауст (Ш. Гуно. «Фауст») ва б.