БОДИЯГАЛАР (Spongillidae) — ғовактанлилар типининг чучук сувларда яшайдиган оиласи. 16 та авлоди ва 94 тури бор. Асосан Евросиёнинг дарё ва кўлларида тарқалган. Марказий Осиё мамлакатларидаги дарё ва кўлларда бир неча тури учрайди. Катталиги 1 м гача. Бодиягалар аниқшаклга эга эмас. Пўстлоқсимон, дарахтсимон шохланган ёки бошқа шаклда бўлади, сув остидаги нарсаларга ёпишиб яшайди. Ранги сарғишқўнғир, жигарранг, яшил ёки қизғиш. Скелета кремнийдан тузилган бир ўқли нина шаклида, органик модда — спонгин билан бир-бирига ёпишган. Бўлиниш, ташқи ёки ички куртакланиш ва жинсий йўл билан кўпаяди. Кузда кўпинча мустаҳкам икки қават қобиқ билан ўралган ички куртаклар — геммулалар ҳосил қилади. Геммулалар қишлаб, баҳорда ёш булутга айланади. Халқтабобатида қуритилган Бодиягалардан бод ва асаб касалликларини даволашда фойдаланилади, косметикада сунъий қизиллик югуртириш учун ишлатилади. Баъзан қувурларга кириб қолиб, сув йўлини тўсиб қўйиши мумкин.