БОБОНИЁЗМАТОВ Мелибой (1837 Риштон — 1917) — риштонлик кулол, косагар уста. Кулоллик ҳунарини отаси уста Бобониёзматдан ўрганган. Риштон кулоллиги услубида ишланадиган сопол идишларнинг барча турларини ясаш, нақшлаш, пишириш жараёнини яхши билган. Рангбаранг бўёқларни қўллаб хилмахил янги идишлар ясагани учун усталар орасида «чапдаст уста» номини олган. Риштонлик кулоллар орасида биринчи бўлиб Ғиждувон кулоллигида янги таркалган «таги сиёҳ» («қора заминлик») услубини мукаммал ўрганган, шу услубда тайёрлаган идишларидан намуналар Тошкентдаги Ўзбекистон халқлари тарихи музейида сақланади.