БАЙСЕИТОВА Кулаш (Гулбаҳром) (1912.19.4 (2.5) – Олмаота – 1957.6.6) — қозоқ опера хонандаси (лирикколоратурали сопрано). Тошкент давлат консерваториясида таълим олган. Қозоқ драма театри (1930 — 34), Мусиқали театр (1934 — 37), Қозоқ опера ва балет театри (1937 й. дан)да ишлаган. Кизжибек («Қизжибек»), Хадича («Жалбир»), Акжунус («Эр Таргин»), Ажар («Абай»), Сора («Биржон ва Сора») ва б. партияларнинг биринчи ижрочиси. Биринчи бўлиб қозоқ опера саҳнасида мумтоз опера қаҳрамонларини (Татьяна, «Евгений Онегин», Чиочиосан, «Мадам Батерфляй») яратган.