БАХ Алексей Николаевич [1857.5(17).3, Золотоноша ш. — 1946.13.5, Москва] — рус биокимёгар олими, акад. (1929). 1885 — 1917 й. ларда муҳожирлиқца яшаган. Биокимёгарлар мактабининг асосчиси. Илмий ишлари фотосинтез химизми, ҳужайрадаги оксидланиш жараёни ва ферментлар ҳақидаги таълимотга бағишланган. Пероксидларнинг ассимиляцияда иштирокини Урганиш асосида секин оксидланишнинг пероксид назари-ясини яратган.