БАЛАТОН — Венгриядаги кўл. Ўрта Дунай пасттекислигида, 105 м баландликда. Майд. 596 км2, уз. 78 км. Ўртача чуқ. 3 м (энг чуқур жойи 11 м). Балатон кўлининг ўрни тектоник ҳаракатлар натижасида вужудга келган. Шим.-ғарбий қирғоқлари баланд, тик ва парчаланган, қирғоқларининг қолган қисми паст, қумлоқ, баъзан ботқоқлик. Б. га бир неча дарё қуйилади, энг каттаси — Зала. Шио дарёси оқиб чиқади ва у каналлар орқали Дунай дарёсига қуйилади. Кема қатнайди. Ёзда сувнинг т-раси 20°. Б. атрофлари Венгриядаги йирик курорт ва туризм рни. Минерал булоқ кўп.
Кема қатнови ва балиқ овлаш йўлга қўйилган. Балатон соҳилида Кестхей ва Шиофок ш. лари жойлашган. Тихань ландшафт қўриқхонаси (заказник), Кишбалатон резервати бор.