БАКТЕРИОСТАТИК МОДДАЛАР (бактериялар ва юн. stasis — бир жойда туриш, тўхтаб қолиш) , бактериостатиклар — бактериялар ва б. микроорганизмларнинг ўсиши ва ривожланишини тўхтатиб қўядиган моддалар. Антибиотиклар, оғир металларнинг ионлари (Ag/ Au3, Hg2, Cu2), химиотерапевтик воситалар (сульфаниламид препаратлар, маргимуш препаратлари) ва б. Б. м. дир. Улар кучи таъсир этаётган модданинг концентрациясига боғлиқ. Кам концентрацияли бактерицид моддалар ҳам бактерияларнинг кўпайишини тўхтатади. Бактериостатик моддалар тиббиёт, ветеринария ва озиқ-овқат саноатида ишлатилади.