БАКЕН (голландча baken) — сув бетида қалқиб турадиган белги, маёқ; лангарга боғланган бўлади. Сув йўлларида кема ҳаракатига хавф соладиган жойларни ва кемаларнинг ўтиши учун энг қулай йўлларни кўрсатиш учун қўйилади. Бакен пирамида, конус ёки шар шаклида ёғоч ёки пўлатдан ишланади. Электр лампочка, керосин лампа ёки ацетилен фонуслар билан ёритилади. Кема прожекторининг нури тушганда ярқираб кўринадиган бўлиши учун Бакен сиртига баъзан қиррали кўзгулар қопланади. Автоматик Бакенлар ўчибёниб туради.