БАИЯ — Бразилия шим.-шарқидаги штат. Майд. 567 минг км2. Аҳолиси 11,7 млн. киши (1990). Маъмурий маркази — Сальвадор ш. Бразилия ясситоғлигининг шарқий қисмида, Сан-Франсиску дарёси ҳавзасида жойлашган. Мамлакатнинг энг кўп нефть қазиб оладиган ва қайта ишланадиган ҳамда олмос олинадиган штати. Йирик Паулу-Афонсу ГЭС ишлаб турибди. Штат жан. да какао, тамаки, шакарқамиш плантациялари бор. Озиқовқат, тўқимачилик, кўн пойабзал, кимё ва б. бир қанча саноат корхоналари мавжуд. Чорвачилик ҳам ривожланган.