АЗИМОВ Элдор Сарварович (1945.6.2, Тошкент) — дирижёр. Ўзбекистонда хизмат кўрсатган санъат арбоби (1989). Тошкент консерваториясини дастлаб скрипка, сўнг опера-симфоник дирижёрлиги бўйича тугатган. Ўзтелерадио ҳузуридаги торли квартет (1963—68) ва эстрада-симфоник оркестрда (1971—74) скрипкачи. Айнан шу ерда 1974 й. камер оркестр ташкилотчиси, бадиий раҳбари ва бош дирижёри. Мазкур жамоа Ўзбекистонда камер симфония, сюита ва б. жанрлардаги ижодиётга ижобий таъсир кўрсатди. 1976 й. дан Тошкент консерваториясида ўқитувчи, доцент. 1996 й. дан «Ўзбекнаво» қошидаги «Туркистон камер оркестри»нинг бадиий раҳбари ва бош дирижёри.