АЗИМОВ Асад Ваҳобович (1927.6.10, Андижон — 1995.23.11, Тошкент) — опера хонандаси (лирик тенор). Ўзбекистон халқ артисти (1978). Абдуваҳоб Азимовнит ўғли. Москва консерваториясини тугатган (1953). Муқимий театри (1941—43), Уйғур мусиқали драма театри (1943—46), Андижон театри (1946—47)да артист. Навоий театри солисти (1953-85). 1966—70 й. лар Тошкент консерваторияси, 1960—66 ва яна 1970 й. дан Тошкент санъат ин-ти вокал кафедрасида ўқитувчи, кафедра мудири (1975—86). Ўзбек, рус ва Ғарбий Европа композиторларининг операларида 50 га яқин асосий партияларни (баъзиларини Ўзбекистонда илк маротаба) ижро этган: Тоҳир (Т. Жалилов, Б. Бровцин, «Тоҳир ва Зуҳра»), Фурқат (М. Ашрафий, «Шоир қалби»), Йўлчи (Р. Ҳамроев, «Зулматдан зиё»), Нодир (Ж. Визе, «Марварид қидирувчилар») ва б. Овози нозиқ, лирик талқин устаси. Концерт репертуарида ўзбек, тожик, рус ва б. халқлар қўшиқлари бор.