АЗИЗОВА Санъат Собировна (1934.18.6, Тошкент) — фармаколог, Ўзбекистонда хизмат кўрсатган фан арбоби (1992), тиббиёт фанлари д-ри (1968), проф. (1974), Ўзбекистон ФА Ўсимликлар кимёси ин-ти фармакология лаб. да илмий ходим (1958 — 72). Тошкент педиатрия тиббиёт ин-ти фармакология кафедраси мудири (1972 й. дан). Асосий илмий ишлари юрак гликозидларининг юрак касалликларига, хусусан инфарктга таъсирини экспериментал ўрганишга оид. Азизова тиббиёт ин-ти талабалари учун «Фармакология» дарслиги муаллифи.