АЖДАР ДАВР — Ой ёки Қуёш диски марказининг Ой тугунларининг бирида кетма-кет икки марта бўлиши орасида ўтган вақт. Аждар ой — 27,21 ўртача сутка, аждар йил — 346,62 ўртача сутка, Ой фазаларининг такрорланиш даври (Синодик ой) — 29,53 ўртача сутка бўлганлигидан бу учала давр бошланишининг такрор устма-уст тушиши орасида ўтган вақт бир хил тутилиш-арнинг такрорланиш даври — Сарос (18 йил 11 сутка 7 соат 42 мин.) га тенг бўлади. Бунда 242 аждар ой — 6585,36 сутка, 223 синодик ой — 6585,32 сутка, 19 аждар йил — 6585,78 сутка.