GʻARBIY VIRGINIYA — AQSHning sharqiy qismidagi shtat. Mayd. 62,7 ming km2. Aholisi 1,8 mln. kishi (2002). Maʼmuriy markazi — Charlston sh. Yer yuzasi sharkdan (eng baland joyi 1481 m) gʻarbga, Ogayo daryosi vodiysiga pasayib boruvchi (250—300 m) platodan iborat. Iklimi moʻtadil, iliq va sernam. Yanv. ning t-rasi — 1° dan 5° gacha, iyul-niki 23—25°. Yillik yogʻin 900—1250 mm. Yirik toshkoʻmir konlari bor. Shuningdek, neft, tabiiy gaz, tuz, qurilish materiallari qazib olinadi. Sanoatining yetakchi tarmogʻi — qora metallurgiya, koks kimyosi. Alyu-miniy sanoati rivojlangan. Kimyoviy tolalar, plastmassa, sintetik kauchuk ishlab chiqariladi. Gʻarbiy Virginiyada ishlab chiqariladigan elektr energiyasi boshqa shtatlarga ham uzatiladi. Q. x., asosan, shahar aholisini oziqovqat mahsulotlariga boʻlgan talabini qondirishga xizmat qiladi. Q. x. ning yetakchi tarmogʻi — chorvachilik. Appalachi vodiysida bogʻlar barpo qilingan.