YOʻLDOSHEV Abdulaziz Daminovich

YOʻLDOSHEV Abdulaziz Daminovich (1921.8.11, Andijon viloyati, Xonobod sh. — 1968.16.9, Andijon) — 2-jahon urushi katnashchisi, leytenant. 8-oʻqchi diviziyaning 229-polki, 6-oʻqchi rotasining komandiri. 1940-y. dan armiya safida. Stalingrad jangida, Kursk ostonalaridagi jangda va b. bir qancha shaharlarning mudofaa janglarida qatnashgan. Ikki marta ogʻir yarador boʻlgan. Dnepr daryosini kechib oʻtishda mislsiz jasorat koʻrsatgan Y. Qahramon unvoniga sazovor boʻlgan (1943, 16-okt.). Urushdan keyin Andijonda artel raisi, paxta tozalash z-dida direktor oʻrinbosari lavozimida xizmat qilgan. Xonobod va Andijondagi koʻcha hamda Andijondagi 45-maktabga uning nomi berilgan.