NURISTON, sobiq Kofiriston — Afgʻonistonning shim.-sharqidagi baland togʻli viloyat. Aholisi, asosan, nuristonilar. 19-a. oxiriga qadar Nuristonda mustaqil dehqon jamoalari yashagan; ular arablar, Amir Temur, Akbar, Nodirshoh bilan boʻlgan urushlarda oʻz mustaqilliklarini saqlab qolishgan. 1896-y. afgʻon amiri Abdurahmon tomonidan buysundirilgan, aholi islomga kirgizilgan.