NABIYEV Rashid Nabiyevich (1912, Samarqand — 1985.10.6, Toshkent) — tarixchi olim, Oʻzbekistan FA muxbir aʼzosi (1952), tarix fanlari d-ri (1967). Samarqand ped. texnikumi (1927—30) va Fargʻona ped. in-ti (1930—33) da oʻqigan. Oʻzbekiston FA Tarix va arxeologiya in-ti direktori (1947—52), boʻlim mudiri (1956—62), FA Ijtimoiy fanlar boʻlimi mudiri (1952—56). 1962-y. dan Oʻzbekiston FA Sharqshunoslik in-tida katta ilmiy xodim. Ilmiy faoliyati Oʻrta Osiyoning oʻrta asrlar tarixini oʻrganishga bagʻishlangan. Oʻzbekiston tarixiga oid bir qancha oʻquv qoʻllanmalar, darsliklar muallifi.
As: XIV asrda Oʻrta Osiyoda sarbadorlar qoʻzgʻoloni, T., 1942; Iz istorii Kokandskogo xanstva (feodalnoye xozyaystvo Xudoyarxana), T., 1973; Tashkentskoye vosstaniye 1847 g. i yego sotsialno-ekonomicheskiye predposыlki, T., 1966.