NEFERTITI (qad. misrcha — sohibjamol kelmoqda) — mil. av. 14a. boshidagi Misr malikasi (podshosi), Amenxotep IV ning xotini. Eri oʻtkazgan diniy islohotlarda ishtirok etganligi taxmin kilinadi; uning ismi islohotlardan soʻng Nefer — Neferu — Aton («Atonning goʻzallar goʻzali») deb oʻzgartirilgan. 1912-y. Amarnada Nefertitining haykaltarosh usta Tutmes tomonidan nafis ishlangan haykallari topilgan (Qohira va Berlin muzeylarida saqlanadi).