АБДРЕИМОВ Қуатбой (1937.24.5, Қорақалпоғистон, Тахтакўпир тумани) — қорақалпоқ актёри ва реж. Ўзбекистон халқ артисти (1974). Тошкент давлат санъат ин-тини тугатган (1963). Қорақалпоқ телевидениесида реж. (196368), бош реж. (1968-71), Қорақалпоқ театрида директор ва бош реж. (197379), 1979 й. дан реж. Саҳналаштирган асарлари: «Отелло» (У. Шекспир, Отелло ролини ўзи ижро этган), «Момо ер» (Ч. Айтматов), «Абу Райҳон Беруний» (Т. Сейтжанов), «Бердақ» (Ж. Оймурзаев), «Билмайин босдим тиконни» (И. Султон), «Темир хотин (Ш. Бошбеков),«Эрназар олакўз» (А. Ўталиев) ва б. А. биринчи қорақалпоқ кино актёри. «Ўзбекфильм ва «Қозоқфильм» киностудияларида ишланган 20 дан ортиқ фильмларда суратга тушган : Алижон («Ҳамза»), Эргаш («Оталар васияти»), Валижон («Афсонадаги қиз»), Зарипбой («Бўйсунмас») ва б. Бердақ номидаги Қорақалпоғистон Давлат мукофотининг лауреати (1973). «Элюрт ҳурмати» ордени билан мукофотланган (1999).