HAMROYEV Rashid Hamidovich (1937.27.8, Buxoro – 1985.5.9, Toshkent) — kompozitor, Oʻzbekistonda xizmat koʻrsatgan sanʼat arbobi (1984). Toshkent konservatoriyasini tugatgan (1961). Toshkent teatr va rassomlik sanʼ-ati in-tida kafedra mudiri (1961—76), Toshkent madaniyat in-ti dotsenti (1974-y. dan). Yirik musiqiy-sahnaviy va simfonik musiqa janrlarida ijod qilib, «Zulmatdan ziyo» (1965), «Tong oldidan» (1972), «Shayx Sanʼon» (1980) operalari, 4 simfoniya (1965-85), fortepiano (1961), skripka (1973) va orkestr uchun kon-sertlar, «Abu Ali ibn Sino» vokal-simfonik poemasi, shuningdek, torli kvartet, turli kamer musiqa asarlari, musiqali dramalar kabi milliy ohanglar bilan sugʻorilgan, dramatik va lirik jozibador asarlar muallifi. Hamza nomidagi Oʻzbekiston Davlat mukofoti laureati (1966).