ChEMBERLEN (Chamberlain) Ouen (1920.10.7, SanFransisko) — amerikalik fizik. AQSH Milliy FA aʼzosi (1960). Chikago universitetini tugatgan (1948). 1942—46 y. larda LosAlamos lab. da va 1948-y. dan Berkli Kaliforniya universitetida ishlagan. Atom bombasi yaratuvchilaridan biri. Ilmiy ishlari yadro fizikasi, neytron fizikasi va yuqori energiyalar fizikasiga oid. E. Segre va b. olimlar bilan hamkorlikda antiprotonni kashf etgan. Yukrri energiyali yadro reaksiyalari yaratish bilan shugʻullangan. Tarkibida qutblangan protonlar mavjud nishonni olishga muvaffaq boʻlgan (1963 — 64). Nobel mukofoti laureati (1959; E. Segre bilan hamkorlikda).