ChELESTA (ital. celeste — samoviy) — plastinkali klavishliurma musiqa cholgʻu asbobi. Kichik pianino shaklida boʻlib, soddalashgan fortepiano mexanizmi va xromatik sozlangan poʻlat plastinkalar yoki trubkalarga ega. Chelestani Parijdagi O. Myustel firmasi chiqargan (1886) va tez orada uni fransuz, rus kompozitorlari simfonik orkestrga kiritgan. Diapazoni 4 oktava (s1 — s5). Mayin, kuychan (qoʻngʻiroqchasimon) tovushi bilan ajralib turadi.