ChELAK XAZINASI — Samarkand viloyati (hoz. Payariq tumani Chelak sh.) dagi Chelak shahar xarobasidan topilgan kumush buyumlar (1961). Topilmalar 4 ta kumush idishdan iborat boʻlib, ulardan biri — sosoniylar davriga oid. Idishda, shahanshoh Peroz tasviri tushirilgan, 2idish qalin boʻlib, unda bir eftaliy zodagonining tasviri bor. Qolgan 2 idish yupqa, nozik ishlangan boʻlib, Sugʻdda qilingan. Chelak xazinasi mil. 6-a. ning oxiri — 7-a. ning boshida Sugʻdda yashagan shaharlikning xonadonidan topilgan boʻlib, bu yerga aftidan bir asr muqaddam kelib qolgan. Chelak xazinasi SanktPeterburgdagi Ermitajda saqlanmoqda.