CHANGʻI SPORTI — qishki sport turi. Unga changʻi poygasi, tramplindan sakrash, ikki kurash (poyga va sakrash), togʻ changʻi sporti va biatlon kiradi. Changʻi sporti Norvegiyada sport turi sifatida shakllandi. 1767-y. da shu mamlakatda harbiy xizmatchilar oʻrtasida ilk musobaqa oʻtkazildi, 1843-y. dan esa ommaviy musobakalar tashkil kilina boshladi. Keyinroq Changʻi sporti Yevropaning boshqa davlatlarida ham ommalashdi. 1910-y. da Xalqaro changʻi sporti komissiyasi tuziddi va Changʻi sportining qoidalari tasdiklandi. Bu komissiya 1924-y. da Xalqaro Changʻi sporti federatsiyasi (FlS)ra aylantirildi. Hoz. kunda bu federatsiyaga 100 dan ziyod davlat (Oʻzbekiston 1993-y. dan) aʼzo (2004). Changʻi sporti 1924-y. dan olimpiada oʻyinlari dasturiga kiritildi, 1925-y. dan (1937-y. dan ikki yilda bir marta) jahon chempionati oʻtkaziladi. Oʻzbekistonda 20-a. ning 70-y. laridan boshlab Changʻi sportining, asosan, tog changʻi sporti turini rivojlantirishga kirishiddi. Respublikada 300 dan ziyod kishi Changʻi sporti bilan shugullanadi. 2 ta Changʻi sportiga ixtisoslashgan sport maktabida 17 murabbiy 196 nafar bolalaroʻsmirlarga Changʻi sportidan saboq berishadi (2004). Akasingil Komil va Elmira Oʻrinboyevalar, Vladimir Yunusov kabi yetakchi changʻichilar nufuzli musobaqalarning ishtirokchilaridir.