ATSETALLAR — aldegidlarning gidratlangan oddiy efirlari. Rangsiz, xushboʻy suyukliklar. Organik erituvchilarda yaxshi, suvda juda yomon eriydi. Asetallar temir (III)-xlorid (FeCl,) yoki mineral kislotalar ishtirokida aldegidlarni spirtlar, ortoefirlar yoki tetraalkoksisilanlar bilan qizdirib olinadi. Sanoatda atsetaldegidning atsetali — atsetilendan olinadi. Asetallar atir-upa sanoatida, flotoreagent, plastifikator va surkov moylari sifatida keng ishlatiladi.