ANADIR YASSITOGʻLIGI — RF ning shim.-sharqidagi yassitogʻlik. Magadan viloyati Chukotka muxtor okrugida. Anadir daryosining yuqori oqimi va uning irmogʻi Yurumkuveyem havzasida. Uz. 400 km ga yaqin, eni 130 km (Qutb doirasida). Mutlaqbal. 800—1100 m, jan.sharqida Shchuchiy va Osinovskiy (1221 m gacha) tizmalari eng baland tizmalardir. Yuzasi tekis. Gilli slanes, qumtosh, ohaktosh, bazalt, andezit va datsitlardan tarkib topgan. Koʻp qismi togʻ tundrasi va buta tundrasi bilan qoplangan.