AMPLITUDA (lot. amplitudo — kattalik, miqdor) — muayyan qonunga muvofiq tebranayotgan kattalikning nol qiymatidan eng katta ogishi. Mas, mayatnikning muvozanat holatdan ogishi, oʻzgaruvchan elektr tokida tok kuchi va elektr kuchlanishi qiymatlarining ogishi va h. k. Boshqacha aytganda, Amplituda tebranish qulochini ifodalaydi. Tebranayotgan kattalik yarim tebranish davrida bir marta eng yuqori qiymatga erishadi. Garmonik tebranishlarda Amplituda oʻzgarmaydi: u doimiy bir xil qiymatga ega boʻladi.