AMINOVA Xadicha (1909.13.5, Andijon viloyati Jalaquduq tumani — 1989.20.8, Andijon) — Oʻzbekiston xalq artista (1939). 1930-y. dan Andijon teatrida ishlagan. Aminova 100 dan ortiq rollarni ijro etgan. Asosiy rollari: Xonzoda («Boy ila xizmatchi»), Maysara («Maysaraning ishi»), Dilbar («Tor-mor»), Xolnisa xola, Boʻston buvi («Shohi soʻzana», «Ayajonlarim»), Kabanixa («Momaqaldiroq») va h. k. «Oʻzbekfilm» kinostudiyasi filmlarida qatnashgan: Jamol opa («Fargʻona qizi»), Gulsumbibi («Qutlugʻ qon»), Xadicha opa («Yorqin yoʻl»). A. yaratgan obrazlar samimiyligi, qahramon hissiyotining toʻla ochib berilishi bilan eʼtiborni jalb qiladi. Aminova ona rollarini mahorat bilan ijro etgan.