ALLEGRO (ital. allergo — quvnoq, xushchaqchaq) — musiqada:
1) tez surʼat; 2) shu surʼatda ijro etiladigan musiqa asari yoki uning qismi. Odatda sonata, kvartet, simfoniya va b. ning 1-(baʼzan, 4 va b.) qismi. Sonata A. si — sonatasimfonik turkumi bosh (birinchi) yoki soʻnggi qismining mumtoz tuzilmasi (q. Sonata shakli). Oʻzbekiston kompozitorlari asarlarida keng ishlatiladi. Mas, Ik. Akbarovning «Shoir xotirasiga» poemasi, R. Hamroyevning 1-simfoniyasi (1-qism), «Maftuningman» kinofilmida Sharif qoʻshigʻi (M. Burhonov) va b. ; baletda:
3) jadal ijro etiladigan mashqlardan tuzilgan mumtoz rake mashgʻulotining bir qismi. Turli aylanishlar va sakrash malakasini takomillashtirishga yordam beradi;
4) Yevropada sakrama va oyoq uchida yurish harakatlariga asoslangan mumtoz raks. Barcha joʻshqin raqslar Allegro surʼatida yaratiladi.