AYRIM-AYRIM QAZIB OLISH — qatlam-qatlam joylashgan foydali qazilmalar va ular orasida uchraydigan befoyda togʻ jinslari qatlamlarini bir-biriga aralashtirmay qazib olish usuli. Qazib olinadigan foydali qazilma boyitilmagan holda isteʼmolchining standart konditsiyasiga toʻgʻri kelsa va foydali qazilma olingan joy oʻrniga befoyda togʻ jinsini sigʻdirish mumkin boʻlgan hollarda bunday usul maʼqul hisoblanadi.