ADRENALIN (lot. ad — yonida va renalis — buyrakka oid) , epinefrin, suprarenin va unga yaqin turadigan birikma noradrenalin — voyaga yetgan sut emizuvchi hayvonlar buyrak usti bezi magʻiz qavatining asosiy gormoni pirokatexin hosilasi. Uning 1-shakli fiziologik faol, uglevodlar almashinuviga va qon aylanishi sistemasiga taʼsir qiladi. Tomirlarni toraytirib, qon bosimini oshiradi, yurak muskullarini qoʻzgʻatadi va toj tomirlarda qon aylanishini yaxshilaydi. Adrenalin jigar va muskullardagi glikogenning parchalanishini kuchaytirib, qonda glyukozami koʻpaytiradi. Shok, kollaps, bronxiol astma va b. kasalliklarni davolashda qoʻllaniladi.