AVANGARD (frans. avantgarde — oldindagi qoʻriqchi) — harbiy safar vaqtida asosiy kuchlarni qoʻriqlash uchun oldinda boruvchi askariy qism (harbiy qoʻshilma, qism yoki boʻlinma). A. oʻz qoʻshinlarini yonidan qoʻriqlashi ham mumkin. Avangardning vazifasi asosiy kuchlarga dushman tomonidan bexosdan qilinadigan hujumlarga yul quymaslik, asosiy kuchlarning jang qilishi uchun sharoit yaratishdan iborat. Avangard qad. oʻzbek harbiy qismlarida hiravul, avangʻor, moʻgʻul lashkarlarida manqlay, mangʻlay deyilgan.